कोरोना साथरोगाचा परिणाम वेगवेगळ्या पातळीवरील देश, जागतिक बाजारपेठा आणि व्यक्तींवर झालाय. या संकटाला उत्तर देताना आपापल्या अर्थव्यवस्था टिकून राहतील हे सुनिश्चित करण्यासाठी नियामक आणि सरकारांनी बऱ्याच उपाययोजना केल्यात. कोरोनाच्या प्रसाराची गती कमी करण्याच्या तुलनेत रोजीरोटीचे वजन अधिकच गंभीर बनत असताना जगभरातील सरकारे आता अर्थव्यवस्थांच्या हळूहळू अनलॉक करण्याकडे वाटचाल करत आहेत.

अशा अनावर वेळेत गुंतवणूकदारांनी त्यांच्या पर्सनल फायनान्स विषयक निर्णयाबाबत अतिशय शिस्तबद्ध असावे हे पुन्हा सांगण्याची गरज नाही. वॉरेन बफे यांनी म्हटल्याप्रमाणे, आपल्याला इतरांपेक्षा हुशार नाही तर शिस्तबद्ध बनण्याची गरज आहे. आपल्याला वाजवी प्रमाणात बुद्धिमत्ता आवश्यक आहे.

सध्याच्या कोरोनाच्या अभूतपूर्व परिस्थितीत घाईने निर्णय घेणे अपयशाला कारणीभूत ठरू शकते. कदाचित, आपल्याला आपल्या गुंतवणुकीचे काही रिझल्ट्स इष्टतम परिणामांपेक्षा कमी मिळतील आणि म्हणूनच गुंतवणूकदारांनी खालील चुका टाळण्याचा प्रयत्न केला पाहिजे.

हेही वाचा : पंतप्रधान म्हणाले ते Y2K संकट, ही तर २१ व्या शतकातली पहिली ग्लोबल फेक न्यूज

अपुऱ्या पावसाळी दिवसाचा फंड सध्याच्या साथरोगाच्या परिस्थितीत व्यवसाय आणि नोकरीच्या सातत्य टिकून राहील, असे नाही. त्यामुळेच या रोजगाराशी संबंधित अनिश्चिततेमुळे आपत्कालीन निधी असण्याचं महत्त्व खूप आहे. आपल्या खर्चापैकी कमीतकमी ३ ते ६ महिन्यांचा खर्च आपत्कालीन निधी म्हणून ठेवण्याचा सल्ला दिला जातो आणि त्या फंडांना लिक्विड फंड किंवा फिक्स्ड डिपॉझिटस्सारख्या अत्यंत लिक्विड साधनांमधे ठेवले पाहिजे. लॉकइन पिरियड्स असणाऱ्या आर्थिक साधनांमधे आपली सर्व बचत असणे भविष्यात मूर्खपणाचा निर्णय ठरू शकतो. 

१. खर्च व्यवस्थापनाकडे दुर्लक्ष करणे - पुरेशी  तरलता म्हणजे लिक्विडीटी आणि बचत टिकवून ठेवण्यासाठी गोष्टी सामान्य होईपर्यंत मोठे खर्च पुढे ढकलणे शहाणपणाचे ठरेल. ई-कॉमर्स कंपन्यांकडून ऑनलाईन विक्रीदरम्यान मोठ्या सवलतीच्या आयटमवर पैसे खर्च करणे अत्यंत आवश्यक होईपर्यंत टाळा.

२. आपली संपत्ती घटलेल्या मालमत्ता वर्गातून मूल्य उन्नत झालेल्या मालमत्तावर्गात बदलणे - इतिहासाने हे सिद्ध केले आहे की शेयर्सच्या किमती घसरत असलेल्या बाजारात गुंतवणूक करताना नेहमीच उत्तम परतावा मिळतो. तथापि, गुंतवणूकदारांनी या मालमत्ता वर्गातून पैसे काढण्याची आणि तेच कमी घटलेल्या किंवा सुरक्षित मालमत्ता वर्गात बदलण्याची प्रवृत्ती दर्शविली आहे. अशा प्रकारच्या वर्तनामुळे गुंतवणूकदार जेव्हा गोष्टी सामान्य होतात, तेव्हा कोणत्याही उलट्यात सहभागी होत नाहीत. आपल्या दीर्घ मुदतीच्या मालमत्ता वाटपाचे पालन करणे अत्यावश्यक आहे.

३. तुमचे एसआयपी किंवा गुंतवणूक थांबवणे - इक्विटींमधे बिअर म्हणजे घसरणारे किंवा मंद मार्केट पाहिल्यानंतर गुंतवणूकदार सहसा घटलेल्या रणनीतींमधे नवीन पैसे तैनात करण्यास घाबरतात. बाजाराची वेळ ठरवण्याऐवजी एखाद्याने विद्यमान आर्थिक योजनेच्या आधारे आपली गुंतवणूक सुरू ठेवली पाहिजे.

४. नवीन कर्ज घेणे - महामारीच्या परिस्थितीत नवीन कर्जे न घेण्याचा सल्ला देण्यात आला आहे. कारण, व्यवसायातील मंदीमुळे संभाव्य वेतनात घट आणि नोकरी गमावल्यास उत्पन्नाची फारच कमी सुरक्षा आहे. कर्जाच्या परतफेडीतील कोणताही डिफॉल्ट आपल्या क्रेडिट स्कोअर आणि भविष्यातील कर्ज घेण्याच्या क्षमतेवर नकारात्मक परिणाम करू शकतो. उलटपक्षी, आपण आपला आर्थिक भार कमी करण्यासाठी क्रेडिट कार्ड कर्जासारख्या उच्च व्याज कर्जासह जबाबदाऱ्यांची परतफेड करण्याचा प्रयत्न केला पाहिजे.

हे कोरोना स्पेशलही वाचा : 

लस सापडल्यावर तरी कोरोना संपेल का?

डॉक्टरांनी घातलेला सूट म्हणजे कोरोनाविरूद्धचं चिलखतच!

कोरोनाचे पेशंट या देशांत सापडले नाहीत की काही झोल आहे?

कोविड-१९ आजारावर औषध नसताना पेशन्ट बरं कसं होतात?

एकदा बरं झाल्यावरही पेशंटला का होतेय पुन्हा कोरोनाची लागण?

किराणा दुकानातून आपण कोरोनाला घरी नेण्यापासून कसं वाचू शकतो?

५. आपल्या आर्थिक योजनेचे पुनर्मूल्यांकन न करणे - कोरोना काळासारखा कालावधी आपल्याला आपल्या आर्थिक योजनांचे पुनर्मूल्यांकन करण्याची संधी देतो. तसेच, तुमचा पोर्टफोलिओ पुन्हा एका योग्य पातळीवर बॅलन्स करण्याची आणि किती जोखीम सहन करू शकतो याचे पुनर्मूल्यांकन करण्याचीही संधी देतो. प्रमाणापेक्षा जास्त जोखीम घेण्याची तीव्र इच्छा चुकीची ठरण्याची शक्यता असते.

६. तुमच्या आर्थिक सल्लागाराचा सल्ला न घेणे - तुमची आर्थिक योजना तुमच्या आर्थिक सल्लागाराकडून करून घेण्याची आणि त्याचेच अनुसरण करण्याची ही योग्य वेळ आहे. अशा सल्लामसलती शिवाय कोणतेही उत्साही निर्णय आपल्या पोर्टफोलिओच्या आर्थिक आरोग्यास पुन्हा हानिकारक ठरू शकतात.

थोडक्यात, आपले स्वतःचे इन्व्हेस्टमेंट चार्टर काढणे सूज्ञपणाचे ठरेल, जे आपल्या पोर्टफोलिओचे तत्त्वज्ञान, चौकट आणि आपल्या पोर्टफोलिओच्या व्यवस्थापनाची प्रक्रिया मांडणारे, तसेच गुंतवणुकीचा हेतू, क्षितिजे, तरलता आणि धोका व्यापकपणे समजण्याकडे लक्ष केंद्रित करणारे व्हिजन डॉक्युमेंट आहे.

हेही वाचा : 

चीन कधीच जगावर सत्ता गाजवू शकत नाही, कारण

जीवघेणा लॉकडाऊन संपवण्याचे चार साधेसरळ मार्ग

छोटासा नेपाळ अचानक भारताकडे डोळे वटारून का बघतोय?

मध्यम वर्गाला आर्थिक पॅकेज नाही, तर थाळी वाजवण्याचा टास्क पाहिजे

ट्रम्प यांच्या धमकीला घाबरून भारतानं औषधावरची निर्यातबंदी उठवली?

विटॅमिन डीच्या कमतरतेमधे दडलंय देशांच्या वेगवेगळ्या मृत्यूदराचं गुपित?

लॉकडाऊनविरोधातल्या रस्त्यावरच्या आंदोलनांना ट्रम्प पाठिंबा का देताहेत?