बर्लिनमधील जागतिक तिरंदाजी स्पर्धेत साताऱ्याच्या आदिती स्वामीने थेट सुवर्ण पदक पटकावलंय. तिचं हे यश कौतुकास्पद, तेवढेच ऐतिहासिक आहे. पण आदिती ही काही घरात खेळाचं वातावरण असलेली खेळाडू नाही. तिनं आणि तिच्या वडिलांनी पै-पै जमवून, कर्ज काढून या खेळासाठी जीवाचं रान केलंय. तिच्या या यशात तिचे प्रशिक्षक प्रवीण सावंत यांचाही मोठा वाटा आहे. आता तिला ऑलिम्पिक जिंकायचंय......

भारताच्या ग्रामीण भागातल्या खेळाडूंमधे जागतिक स्तरावर चमकण्याची क्षमता आहे हे यापूर्वी अनेक वेळा सिद्ध झालंय. दीपिका कुमारी ही अशा खेळाडूंपैकीच एक. गेल्या बारा वर्षांमधे दीपिकाने आपल्या कामगिरीच्या जोरावर जागतिक तिरंदाजी क्षेत्रात स्वतःचा ठसा उमटवलाय......